NBA ka zhvilluar duelet e katërta në sfidat Los Angeles Lakers – Memphis Grizzlies dhe Miami Heat – Milwaukee Bucks. Lakers morën fitoren e tretë në katër duele ndaj Grizzlies dhe shkuan në epërsi 3-1, pasi triumfuan pas kohës shtesë me rezultat 117-111.
Austin Reaves ka qenë më i miri në këtë ndeshje me 23 pikë, i ndjekur nga LeBron James me 22 të tjera dhe 20 kërcime. D’Angelo Russell gjithashtu pati paraqitje të mirë me 15 pikë të tjera. Lakers tani udhëheq me seri 3-1, teksa i duhet edhe një fitore për të kaluar në raundin tjetër.
Fitore ka shënuar edhe Miami Heat që ka mposhtur Milëaukee Bucks me rezultatin 119-114. Ashtu si Lakers, edhe Heat tani kanë epërsi 3-1 pas katër ndeshjeve të para. Më i miri në këtë duel për Miami Heat ishte Jimmy Butler me 56 pikë e nëntë kërcime.
