Analisti Mentor Nazarko, i ftuar në ‘News Line’ me gazetaren Viol Xhafaj komentoi gjyqin nga Gjykata Speciale në Hagë për ish krerët e UÇK-së.
Sipas analistit, po bëhet një dhunë e madhe ndaj të akuzuarve për faktin se janë mbajtur gjatë në paraburgim derisa të provohen akuzat ndaj tyre.
“Procesi shihet si padrejtësi dhe kjo u duk edhe tek manifestimi i cili ishte një mesazh i pakënaqësisë popullore ndaj këtij procesi. Ky është një proces, që pavarësisht llojit të institucionit që është zgjedhur për ta zhvilluar atë, një gjykatë e krijuar me ligj të Kosovës por e vendosur në një shtet tjeëtër mendoj se ka karakterin e një precedenti që mund të përdoret për të procesuar krimet e luftës që po kryhen në Ukrainë. Për shkak se ky është një proces që i përket një drejtësie speciale, hapësira për abuzim dhe padrejtësi është e madhe dhe duket qartë në atë që procesi do të zgjasë pafundësisht dhe ata që janë të akuzuarit kryesorë janë mbajtur gjatë derisa të provohen akuzat e tyre që është shkelje e parimeve universale të së drejtës dhe vetë procedura gjyqësore do të zgjasë gjatë”, tha Nazarko.
VAZHDO TË LEXOSH MË TEPËR PËR TEMËN
A do t’i hapin Serbia dhe Kosova arkivat sekrete të luftës?
A ishte UÇK një organizatë kriminale, terroriste dhe islamike?
