13.04.2023 - 10:52
Kryetari i Kuvendit të Kosovës, Glauk Konjufca deklaroi se ka tendencë të qartë që të destabilizohet veriu i vendit përpara zgjedhjeve të 23 prillit.
Konjufca u shpreh se shtyrja e dytë e këtyre zgjedhjeve është e paarsyeshme, shkruan Kosova Press.
Sipas tij, institucionet duhet të kryejnë detyrat dhe obligimet e tyre ligjore e kushtetuese. Kreu i legjislativit u ka bërë thirrje për qetësi të gjithë qytetarëve që jetojnë në veri të Kosovës.
“Meqenëse edhe zgjedhjet po afrohen, pra pas dhjetë dite është data e zgjedhjeve, nuk janë të rastësishme të gjitha këto që po ndodhin, meqë është një tendencë e qartë që te destabilizohet ajo pjesë e vendit, përpara zgjedhjeve të 23 prillit”, theksoi ai.
VAZHDO TË LEXOSH MË TEPËR PËR TEMËN
Tensionet në Veri
