Ministri i Drejtësisë Ulsi Manja ka përgëzuar Policinë e Shtetit për zbardhjen e vrasjes së biznesmenit Ardian Nikulaj dhe identifikimin e gjashtë autorëve të dyshuar.
Manja tha gjatë një prononcimi të shkurtër për media se Ministria e Drejtësisë është e gatshme që në kohë rekord të përcjellë kërkesat për ekstradim sapo ato të paraqiten nga prokuroria.
“Jemi në bashkëpunim të ngushtë me prokurorinë dhe sapo të kemi kërkesat me kohë rekord do ta përcjellim me qëllim që të bëjmë të mundur ekstradimin e këtyre personave në Shqipëri. Përgëzoj policinë që në kohë rekord zbardhi një ngjarje të shëmtuar.
Tani jemi në bashkëpunim me prokurorinë dhe jam i sigurt se edhe homologët tanë do na përgjigjen në kohë rekord”, u shpreh ministri Manja për gazetarët.
