Pas eliminimit nga Liga e Europës, Juventusin e pret një tjetër moment i rëndësishëm pasi të hënën do të jetë gjyqi i tyre për 15 pikët e hequra pak kohë më parë.
Bardhezinjtë shpresojnë që në gjyqin e radhës që do ët mbahet ditën e hënë, dënimi të mos jetë 15 pikë por më pak. Sipas asaj që raporton “Corriere dello Sport”, ekziston mundësia që të hiqen 9 pikë dhe në këtë mënyrë, Juventusi do të zbriste në vendin e 5 në klasifikim por duke pasur mundësi për të zënë vendin e katërt pasi diferenca e pikëve është vetëm 1 me Milanin.
Megjithatë, nuk përjashtohet edhe mundësia që dënimi për Juventusin të jetë 15 pikë aq sa ishte në fillim, por me pikët e rikthyera më pas nga Apeli. Nëse torinezëve i hiqen 15 pikët sërish, atëherë do të zbriste në vendin e 7 me 54 pikë dhe Europa do të ishte praktikisht e pamundur.
