Bayern Munchen këtë sezon ka fituar titullin më dramatik në historinë e Bundësligës, por që gjithsesi ishte i 11 rradhazi për klubin legjendar gjerman. Në javën e fundit të kampionatit kishte farë pak shpresë se kjo mund të ndodhte, por Dortmund që vinte si kryesues barazoi 2-2 kundër Mainzit në ‘Sigal Iduna Park’. Kjo kombinuar me fitoren 1-2 të Bayern-it në fushën e Koln solli titullin e 33 në historinë e klubit. Kjo pasi me pikë të barbarta Bayern-i kishte avantazhin e golavarazhit.
Në ‘Sigal Iduna Park’ Dortmund e pa veten shpejt në disavantazh, ndërsa Haller humbi penallti dhe mundësinë për të barazuar. Në minutën e 24 erdhi një tjetër shok nga Mainz që me Onisiëu dyfishoi shifrat. Në pjesën e dytë të besuarit e Terzic shkurtuan me Guerrero-n në minutën e 69, ndërsa goli i Sule-s erdhi vetëm në minutën e 96.
Kjo megjithatë i ngriu gjakun futbollistëve dhe tifozëve të Bayern-it që ndeshjen në Dortmund po e ndiqnin nga telefoni. Edhe pse arbitri lejoi disa çaste më shumë sërish Dortmund nuk e realizoi përmbysjen, duke flakur tej një shans të pabesueshëm për titullin e 9 në historinë e klubit. Kjo trishtoi jo vetëm tifozët e Dortmund në stadium, por edhe të tjerët që qëndronin jashtë tij në pritje të këtij trrilleri të javës së fundit.
Dy klubet e tjerë që do luajnë në Champions League sezonin e ardhshëm nga Bundesliga janë Leipzig dhe Union Berlini. Sakaq, Schalke vetëm një vit pas ngjitjes, do të zbresë sërish në Bundesligën dy. Bashkë me minatorët ranë nga kategoria edhe Hertha e Berlinit, ndërsa Sttutgart do të bëjë ‘play-off’ për të qëndruar.
