“Pas Ukrainës, Çeçenia”, thotë komandanti çeçen që lufton në anën e Kievit.
“Ne jemi të lodhur nga Rusia,” shton komandanti 45-vjeçar, i cili kërkoi të identifikohej vetëm me shenjën “Torto”, një referencë për një kështjellë pranë qytetit të tij të lindjes në Çeçeni.
“Rusia është si një fqinj i dehur. Një ditë ai vjen në shtëpinë tuaj dhe dëshiron ta djegë atë. Ju e kapni, ai ikën. Një ditë tjetër ai kthehet i kthjellë dhe lutet për falje. Dhe pastaj vjen sërish i dehur me pistoletë dhe vret gruan dhe fëmijët tuaj”, thotë ai.
“Kjo është Lufta e Tretë çeçene, dhe këtë herë ne do të fitojmë,” ndërhyn një nga ushtarët e “Tortos”, një 20-vjeçar.
Ka rreth 150 deri në 200 vullnetarë çeçenë që luftojnë në anën ukrainase, shumica prej të cilëve bij dhe nipër emigrantë të luftëtarëve që luftuan në Luftën e Parë ose të Dytë Çeçene.
Ata janë ndër më të përkushtuarit dhe ideologjikët për luftën, po aq sa rreth 200 bjellorusë që luftojnë për Ukrainën, dhe shumë më tepër se shumica e perëndimorëve dhe vullnetarëve të Amerikës Latine.
Çeçenët aktualisht janë të angazhuar kryesisht në Bakhmut, betejën e përgjakshme disamujore që ka çuar në shumë viktima nga të dyja palët.
Të gjithë nuk kanë asnjë dyshim se në fund të fundit janë aty për të luftuar për Çeçeninë, një disfatë në Ukrainë për Rusinë do të çojë në mënyrë të pashmangshme në një kryengritje të armatosur në atdheun e tyre në Kaukazin e Veriut, argumentojnë ata, dhe jo vetëm atje, por në të gjithë Rajonin e Kaukazit që ndodhet midis Detit Azov, Detit të Zi dhe Detit Kaspik.
“Më besoni, kur Rusia të humbasë këtë luftë me Ukrainën, ajo nuk mund të ekzistojë si shtet. Ështe e pamundur. Do të shpërbëhet,” përmbyll komandanti, duke thënë se ky është vetë fillimi.
VAZHDO TË LEXOSH MË TEPËR PËR TEMËN
