Princi Louis është bërë viral kudo në rrjet për mimikat e tij qesharake.
Pasi së fundmi mori të gjithë vëmendjen në ceremoninë zyrtare të kurorëzimit të Mbretit Charles III, djali më i vogël i Princit Uilliam dhe Kate Middleton vizitoi një grup sportistësh me familjen e tij për të promovuar fushatën vullnetare “Big Help Out”, e cila në thelb është “detyra” e parë zyrtare mbretërore.
Aty princi i vogël pati mundësinë të provonte marshmellows dhe të pikturonte me duart e tij në mur. Përpos kësaj gjatë një bisede u zbulua edhe se çfarë profesioni do të donte të ndiqte në të ardhmen. Edhe pse sapo ka mbushur 5 vjeç, princi i vogël është i sigurt se çfarë dëshiron të “bëhet kur të rritet”.
Teksa ishte i zënë duke pikturuar në mur, një vullnetar vuri re talentin e tij dhe e pyeti: “A do të doje të bëheshe piktor kur të rritesh?” Princi Louis u përgjigj me besim se do të donte të bëhej pilot luftarak.
Kujtojmë që edhe babai i tij gjithashtu shërbeu në Forcën Ajrore Mbretërore dhe punoi si pilot shpëtimi në Uells menjëherë pas martesës së tij me Kate Middleton.
VAZHDO TË LEXOSH MË TEPËR PËR TEMËN
BBC përdori intervistën me Lady D!
