“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Çfarë duhet të ha që të mbaj sytë të shëndetshëm?
Përgjigjet mjeku: Një dietë e mirë luan një rol kyç në shëndetin e syrit. Sian Porter, konsulent dietik, identifikon ushqimet më të rëndësishme për të përfshirë në dietën tuaj dhe ofron disa ide se si t’i bëjmë pjesë të një programi 7-ditor vaktesh të shijshme.
sallataPerimet jeshile
Kur bëhet fjalë për sytë, atëherë nuk duhet t’i shmangni jeshillëqet. Kjo për shkak se ato janë të pasura në lutein, një lëndë ushqyese e rëndësishme për shëndetin e syrit, që gjendet në lente dhe retinë. Është menduar që ajo ndihmon në thithjen e rrezeve dëmtuese blu dhe ultravjollcë.
Lakra jeshile është burimi më i pasur i luteinit, që përmban 11.4 mg në 100 g. Megjithëse ushqime të tjera të tilla, si portokalli dhe vezët përmbajnë lutein, do duhej të hanit 41 portokalle dhe 71 vezë për të marrë të njëjtën sasi të luteinit si në 80 g lakër jeshile.
Spinaqi është një tjetër burim i shkëlqyer, me 7.9 mg të lutein në 100 g. Synoni për 10 mg lutein në ditë dhe një racion lakër jeshile në ditë është e mjaftueshme. Lakrën jeshile dhe spinaqin mund t’i hani pasi t’u keni dhënë një valë të lehtë ose spinaqin mund ta hani dhe të papërpunuar në sallatë.
Mango Patate e embelFruta dhe perime me ngjyra
Retina ka nevojë për vitaminë A për shikimin gjatë natës. Hani shumë fruta dhe perime me ngjyra , të tilla si karrota, patatja e ëmbël, mangoja dhe papaja, pasi këto janë burim i mirë i betakarotenit, një lëndë ushqyese për trupin që konvertohet në vitaminë A.
Vitamina A gjendet edhe tek të brendshmet (por mos hani mëlçi ose produkte të mëlçisë më shumë se një herë në javë dhe shmangini nëse jeni shtatzënë), si dhe tek djathi, veza, vaji i peshkut, qumështi, kosi.
Racioni i rekomanduar ditor- i njohur si vlera e refencës ushqyese (NRV)- për vitaminën A është 0.8 mg. Ju mund të merrni gati gjysmën nga një karrotë e mesme; ndërsa një patate e madhe e ëmbël ofron rreth një të katërtën e nevojave tuaja.
Portokalli dhe specat e kuq janë gjithashtu një burim i mirë i zeaksantinës, një pigment i gjetur me përqendrim të lartë në retinë dhe që mendohet se ndihmon në funksionimin e saj në mënyrë të shëndetshme.
patate gjeldetiGjeldeti, butaku dhe farat
Zinku është minerali i vetëm që mbështetet nga BE- kjo do të thotë se ka pasur një rishikim rigoroz të provave shkencore- duke thënë se zinku është i mirë për shëndetin e syve.
Burime të mira përfshijnë dhe mishin e gjelit të detit, drithërat dhe farat, gaforret dhe sardelet.
NRV (vlera ushqyese e referuar) për zinkun është 10 mg. Në 120 g sardele ofrohen 2.6 mg; një porcion me drithëra gruri në mëngjes, 0.7 mg; një grusht shqeme, 2 mg; dhe një porcion i gjelit të detit, 3.4 mg.
Manaferra dhe boronica
Boronicat dhe manaferrat përmbajnë një pigment që mund të mbrojë qelizat e retinës nga dëmet e shkaktuara nga plakja dhe drita, apo dhe nga diabeti në enët e vogla të gjakut në sy.
mana tokeHulumtimet kanë treguar se pigmenti mund të ngadalësojë progresin e degjenerimit makular dhe kataraktit të lidhur me moshën.
Mundohuni të përfshini manat si pjesë e programit tuaj ditor, pra dy grushte boronica ose 10 manaferra.
Acidet yndyrorë omega-3
Është gjetur në përqendrime të larta në retinë dhe mendohet se është i nevojshëm për funksionimin normal të qelizave të ndjeshme nga drita.
Bëni përpjekje për të ngrënë të paktën një porcion në javë vaj peshku, të tilla si salmoni ose ton i freskët. Kjo do të sigurojë nevojat tuaja të përditshme.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
Si të kujdeseni për sytë në një botë të varur nga ekrani
Sëmundja që dëmton rëndë shikimin
