“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Çfarë te mirash sjell të fjeturit në anën e majtë?
Mjeku: Të gjesh pozicionin e duhur kur fle nuk është e thjeshtë. Mbase pasi të lexoni këtë artikull do ta kuptoni se është më mirë të flini në anën e majtë. Doktori John Douillard shpjegon se pse është më mirë të flini në anën e majtë për t’i dhënë trupit pushimin dhe rahatin e kërkuar.
Shtylla kurrizore dhe frymëmarrja – Gjatë gjumit është ide e mirë të flini anash. Në rast se flini me kurriz, kjo vendos shumë presion në pjesën fundore të shpinës dhe pjesën e vitheve dhe e lë shtyllën kurrizore në një gjendje pezull, gjë që është shumë e dëmshme në efektin afatgjatë. Nëse vendosni të flini në stomak, kjo mënyrë sforcon shpinën dhe qafën. Mbi të gjitha fjetja anash siguron sasinë optimale të ajrit në mushkri.
Tretja – Për vetë mënyrën se si është krijuar pjesa e brendshme e trupit, procesi i tretjes së ushqimit do të kryhet më shpejt nëse flini në anën tuaj të majtë. Në atë pozicion, ushqimi udhëton me shpejtësi më të madhe midis së hollë dhe asaj të trashë Rekomandohet që pasi të konsumoni vaktin, të shtriheni për 10 minuta në anën tuaj të majtë për të ndihmuar në një tretje më të mirë të ushqimit dhe të shëroheni më shpejt nga ‘zënia e bukës’.
Rrjedhja e limfës – Pjesa më e madhe e sistemit limfatik është i pranishëm në pjesën e majtë të trupit dhe kur ka ndonjë bllokim në këto sistem ai shfaqet më së shpejti në anën e majtë. Kështu që kur ju flini në anën e majtë, po e lejoni gravitetin të heqë disi presionin që shkakton qarkullimi i limfës nga zemra dhe shpretka, duke qenë se të dyja gjenden në anën e majtë të trupit.
Të gjitha këto pika e shpallin pa dyshim anën e majtë fituese, por nëse do t’ju duhet të bëni ndryshime bëjini ato ngadalë, sepse ndryshimi i forcuar i menjëhershëm mund t’i përkeqësojë gjërat, duke shkaktuar pagjumësi.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
“Diagnoza e artritit më ndihmoi të gjeja një tjetër problem…”
