Emisari amerikan, Gabriel Escobar dhe I dërguari i posaçëm i Bashkimit Evropian për dialogun Kosovë-Serbi, Miroslav Lajçak, do të mbajnë sot një diskutim publik në Washington, lidhur me rifillimin e dialogut mes dy vendeve.
Theksojmë se dialogu është një prej tre kërkesave të tyre kryesore për të dyja palët.
Në njoftimin e bërë nga Këshilli Atlantik thuhet se progresi i fundit në normalizimin e marrëdhënieve ndërmjet Serbisë dhe Kosovës përmes dialogut Beograd-Prishtinë të lehtësuar nga BE-ja, kërcënohet nga përshkallëzimi i tensioneve në veri të Kosovës.
Ky diskutim do të ofrojë njohuri se si SHBA dhe BE synojnë të ndihmojnë në zbutjen e tensioneve dhe të gjejnë zgjidhje të mundshme që Serbia dhe Kosova të krijojnë marrëdhënie më të qëndrueshme.
Tensionet në veri janë përshkallëzuar që prej rrëmbimit të tre policëve të Kosovës nga forcat serbe. Ata po mbahen të burgosur nga autoritetet në Serbi, ndërsa qeveria e Kosovës ka kërkuar lirimin e menjëhershëm dhe pa kushte të tyre.
Bashkimi Evropian u ka bërë thirrje kryeministrit të Kosovës, Albin Kurti, dhe presidentit të Serbisë, Aleksandar Vuçiç, që të pranojnë ftesën për pjesëmarrje në takimin e krizës në Bruksel, duke mos vendosur asnjë kusht, pasi në të kundërt do të ketë pasoja për të dy vendet.
VAZHDO TË LEXOSH MË TEPËR PËR TEMËN
Vuçiç zbulon dy shtetet që do të “hedhin në erë” planet e Kosovës
