Kryeministri i Kosovës, Albin Kurti, përmes një statusi ka reaguar për rrëmbimin e tre zyrtarëve policorë në Veri. Përmes një postimi në rrjete sociale, ai bën me dije se dyshohet se rrëmbimi i 3 policëve është bërë nga ushtria serbe si një shenjë hakëmarrjeje për arrestimin një ditë më parë të Millun Millenkoviçit, drejtues i Mbrojtjes Civile në veri. Kurti ka thënë që hyrja e forcave të Serbisë në territorin e Kosovës është agresion dhe synim për rritje të tensioneve. Kryeministri ka kërkuar lirimin e menjëhershëm të tre efektivëve dhe ka ftuar faktorët ndërkombëtarë që të dënojnë këtë akt agresioni të Serbisë.
“Dyshojmë që ata janë rrëmbyer nga ushtria e Serbisë, qartazi si hakmarrje e Serbisë për arrestimin e djeshëm të kriminelit famëkeq Millun Millenkoviç – Lune, i cili paraqet një ndër krerët e krimit të organizuar dhe kontrabandës. Policia e Kosovës është treguar tejet e vetëpërmbajtur këto javët e fundit. Hyrja e forcave të Serbisë në territorin e Kosovës është agresion dhe synim për eskalim dhe destabilizim. Kërkojmë lirimin e menjëhershëm të tre zyrtarëve të rrëmbyer policor dhe ftojmë faktorët ndërkombëtarë që të dënojnë këtë akt agresioni të Serbisë”, ka shkruar Kurti.
VAZHDO TË LEXOSH MË TEPËR PËR TEMËN
”10 shtete pendohen për Kosovën”
