Egzon Bejtullai ka qenë një nga emrat më të përfolur në këtë merkato vere. Qendërmbrojtësi i dha lamtumirën Shkëndijës së Tetovës dhe tashmë është lakuar në disa skuadra të Superiores. Tirana u duk se ishte në “pole-position” për shërbimet e tij. Por, pas afrimit të Erhun Obanorit në skuadër situata ka ndryshuar.
Kësisoj, shtatlarti i fazës difensive po sheh sërish drejt kryeqytetit. “Demat” janë vënë prej kohësh në kërkim të një qendërmbrojtësi dhe përvoja e Bejtullait padyshim do të shtonte cilësinë te kampionët e Shqipërisë. Mësohet se mes palëve ka pasur bisedime.
Në ditët e ardhshme priten zhvillime të reja. Partizani gjendet në Ohër ku po zhvillon fazën përgatitore për Kupat e Europës. Të kuqtë do të luajnë në turin e parë kualifikues të Champions League.
VAZHDO TË LEXOSH MË TEPËR PËR TEMËN
Nga porta te sulmi, zbardhet plani për blerjet te Tirana
Euro 2020 flet edhe shqip, 9 lojtarë të pranishëm
