Pep Guardiola ka shpërndarë për zyrtarët e klubit të Manchester City-t çmimin prej më shumë se 874 mijë euro, që i takon për fitimin e kampionatit anglez. Shuma e saktë është mbajtur e fshehtë, por disa nga yjet e klubit fitojnë bonuse deri në 1 milionë paund në kontratat e tyre dhe Guardiola ka gjasë të jetë rreth kësaj shifre, sipas Daily Mail.
Kjo shumë besohet se do të përfshijnë recepsionistët dhe stafin e sigurisë të cilët kanë luajtur një rol në suksesin historik këtë sezon, duke kulmuar me triumfin e trefishtë, pasi mposhtën edhe Interin në finalen e Ligës së Kampionëve të së shtunës.
Trajneri i Manchester City dëshironte, në këtë mënyrë, të shpërblente, sipas Daily Mail, përkushtimin e shumë punëtorëve, nga recepsionistët deri te rojet e sigurisë, duke njohur rëndësinë e të gjithëve në një sezon historik, në të cilin skuadra fitoi Premier League dhe Champions League dhe FA Cup.
