Presidenti francez, Emmanuel Macron, është konsideruar shpesh si “europiani më i butë” me homologun rus, Vladimir Putin.
Megjithatë, mesa duket nuk ka qenë thjesht kaq.
Një eurodeputet dhe diplomat polka, e ka sulmuar së fundmi Macron, duke e quajtur “gënjeshtar” dhe duke vënë në pikëpyetje angazhimin e Francës për të ndihmuar Ukrainën.
Ai ka ngritur aludime se Franca mund të pranojë të shesë territorin ukrainas në një marrëveshje paqeje me Rusinë.
Diplomati polak Jacek Saryusz-Wolski tha për Express.co.uk : “Ka një oreks të madh për ngrirjen e konfliktit edhe pse nuk pranohet hapur. Unë mendoj se të gjitha ëndrrat e Macron dhe Scholz janë që të arrijnë paqen me çmimin e heqjes dorë nga një pjesë e territorit të Ukrainës dhe të vazhdojë një konflikt i ngrirë, që mund të zgjasë për dekada”. “Macron thotë gjëra të bukura, ai është mjeshtër i gënjeshtrave”, tha ai.
Ish-ministri i Mbrojtjes i vendit, Dr Jan Parys, shprehu gjithashtu shqetësim për atë që ai e përshkroi si një përgjigje “naive” franceze dhe gjermane ndaj agresionit rus.
Në një mbledhje për Poloninë, Kongresi i Projektit të Madh në Varshavë, Dr Parys tha: “U shqetësova kur dëgjova komentin e fundit nga Presidenti i Francës, se “vendet e krahut lindor të BE-së duhet të çarmatosen”.
Ai shtoi: “Politikanët në Francë janë mjaft naivë kur bëhet fjalë për të kuptuar politikën ruse”.
Në javët pas pushtimit rus në Ukrainë Macron u kritikua pasi kërkoi të mbante të hapura linjat e komunikimit me Rusinë e Vladimir Putin.
VAZHDO TË LEXOSH MË TEPËR PËR TEMËN
