Presidenti i Serbisë, Aleksandër Vuçiç, ka reaguar menjëherë pas bujës së bërë në media qëllimisht nga djali i ti, pasi u shfaq në Graçanicë me bluzën në të cilën shkruante: Dorëzimi nuk është opsion.
Në një deklaratë për mediat serbe, Vuçiç tha se shumica e Serbisë mendon si djali i tij.
“Më lejoni t’ua lehtësojë punën derisa ata janë atje, ndërsa mund të veprojnë aq heroikisht…më lejoni t’u them se kështu mendon secili prej nesh, se kështu mendon shumica e Serbisë, dorëzimi nuk është opsion për ne”, ka thënë ai.
Djali i presidentit të Serbisë, Danilo Vuçiç, iu bashkua sot serbëve në festën e Vidovdanit në Graçanicë. Sipas mediave vendase mësohet se djali i presidentit është parë duke përshëndetur serbët të cilët po marrin pjesë në festime. Mirëpo, ajo çfarë ka tërhequr vëmendjen e të gjithëve ka qenë bluza që Danilo Vuçiç ka zgjedhur që të veshë.
Në bluzën e tij shkruhej : Dorëzimi s’është opsion!
VAZHDO TË LEXOSH MË TEPËR PËR TEMËN
“Asociacioni mund të trajtohet në marrëveshjen finale me Serbinë”
“Serbët në veri janë popull qiellor, mendojnë rryma iu vjen nga Zoti”
