Kryeministri i Kosovës, Albin Kurti ka reaguar në lidhje me masat ndëshkuese të vendosura nga BE, pas tensioneve në Veri dhe përplasjes me Serbinë.
Kurti shprehet se masat e BE-së janë të padrejta ndaj shtetit të Kosovës, ku shton se qeveria e tij nuk do të bëjë kompromis me sundimin e ligjit e as me kushtetutshmërinë e vendit.
Sakaq shtoi se Kosova po përballet me forma të ndryshme agresioni nga Serbia, e cila është shtet autokratik dhe pro-Rusisë.
“Këto nuk janë sanksione por është e vërtetë që janë masa të përkohshme por të padrejta për shkak se Kosova dhe qeveria e saj janë edhe shteti edhe ekzekutiv më demokratik pro-evropian dhe progresist.
Në anën tjetër kemi një përballje të vazhdueshme me forma të ndryshme të agresionit të Serbisë që është shtet autokratik dhe pro-Rusisë dhe i pa ballafaquar me të kaluarën kriminale në hapësirën e ish-Jugosllavisë ku i ka shkaktuar katër luftëra”, ka Kurti, citon Telegraf.
VAZHDO TË LEXOSH MË TEPËR PËR TEMËN
