22.07.2023 - 12:25
Digjet makina e zëvendëskryeministrit të Maqedonisë së Veriut, Artan Grubi. Sipas mediave të kosovës, ngjarja ka ndodhur rreth orës 3 të mëngjesit të sotëm, në rrugën “Strumiçka”, në lagjen Çair të Shkupit.
Persona të panjohur i kanë vënë flakën makinës së zëvendëskryeministrit të parë dhe më pas janë larguar nga vendi i ngjarjes, motivet e të cilës nuk dihen ende.
Policia dhe prokuroria po hetojnë në vendin e ngjarjes për të rënë në gjurmët e autorëve të cilët nuk janë identifikuar ende.
