Gazetarja e njohur, Juli Ristani, ishte një ditë më parë e ftuar në emisionin “Ftesë në 5” me Bieta Sulon, ku ka treguar copëza nga jeta e saj.
Ajo nuk është pjesë e rrjeteve sociale dhe njerëzit e njohin vetëm për profesionalizmin e saj. Ristani është shprehur se momentet e veçanta i pëlqen t’i mbajë private.
Por jo vetëm kaq, pasi ajo është shprehur se ka punuar në shumë punë të ndryshme, madje ka kryer edhe dy-tre punë në të njëjtën kohë. Puna e saj e parë e paguar ishte si dado në Gjermani, aty ku ka zhvilluar studimet e larta.
“Nisa të punoja punë sporadike duke qenë se di gjuhë të huaja. Puna ime e parë ishte në bujqësi me këto kampet me pionerë, mbledhje gruri, fasulesh, mbjellje lakrash. Kjo më ka dhënë një lloj kompetence kur flas me njerëzit në fshat. Ndër punët e para të paguara ka qenë dado në Gjermani, paralelisht të nxirrja ndonjë lek dhe nuk ishte lek i vogël, si studente kisha qejfet e mia. Kam punuar nëpër panaire si përkthyese, kam punuar gjithmonë nga dy tre punë, në mos një përkthim, dublime, audiobook”, tha Juli Ristani.
