Ministrja e Jashtme e Kosovës, Donika Gërvalla, ka reaguar sërish pas deklaratës se pa SHBA-në dhe NATO-n, BE është një “tigër prej letre” në aspektin e sigurisë.
Kryediplomatja e Kosovës, tha se çështja thelbësore për sigurinë në Ballkanin Perëndimor është nëse BE-ja mund të garantojë siguri dhe paqe në Evropë. Pas këtij qëndrimi, një tjetër reagim është pasuar nga ajo, por tashmë në rrjetin social Facebook.
Në postimin e saj, ajo është marrë me dy partitë më të mëdha opozitare në vend, PDK-në e LDK-në. Në analizën e saj, ajo thotë që në krye të herës se BE-ja nuk është në gjendje dhe nuk ka kapacitet për ta garantuar sigurinë. Për të, arsyet janë të qarta pasi mungon vullneti politik, si dhe mospajtimet brenda Bashkimit Evropian janë të mëdha dhe sa i përket sigurisë.
Statusi i plotë
“Një pyetje kyçe për sigurinë në Ballkanin Perëndimor është: A është BE-ja ajo që mund të garantojë sigurinë dhe paqen në Evropë?
Unë mendoj që ajo nuk është në gjendje dhe nuk ka kapacitet për ta garantuar sigurinë. Arsyet janë të qarta: mungon vullneti politik, mospajtimet brenda Bashkimit Evropian janë të mëdha dhe sa i përket sigurisë, pa SHBA-në dhe NATO-n, BE-ja është një tigër prej letre. BE-ja e di këtë dhe prandaj vazhdimisht lëshon pe, i ikën konfrontimit.”
I sfidoj publikisht “specialistët”, që para se të mësyjnë me sulme personale dhe etiketime nga më absurdet, të na tregojnë saktë se cila nga shkronjat e citatit të mësipërm është e pasaktë apo e pavërtetë.
Unë jam zëvendëskryeministre dhe ministre e Republikës së Kosovës, nuk jam zëdhënëse as e BE-së dhe as një mekanizmi tjetër. Si çdo politikan i përgjegjshëm, me fanatizëm dhe zë të lartë mbroj të vërtetën dhe interesin e vendit tim, dhe vetëm të vendit tim, kudo që më krijohet mundësia të flas, ashtu si edhe të tjerët mbrojnë interesin e vendeve apo organizatave që përfaqësojnë.
Një prej fatkeqësive të Kosovës është gjendja e mjerueshme e partive opozitare dhe përfaqësuesve të tyre. Si gjatë qeverisjes edhe tani në opozitë janë pa plan, pa strategji, pa vizion, pa dinjitet. Opozitë që përveç sulmeve personale, të bazuara në thashetheme dhe tituj bombastik dhe të pasaktë, asgjë nuk ofron.
E sa për PDK-në, e cila tenton të na frikësojë që, nëse ajo vjen në pushtet, ne nuk paskemi më vend në Kosovë, mundem vetëm t’iu përkujtoj që nuk janë të parët që nuk dëshirojnë të më shohin as fizikisht në vendin tim. I kam pasur vetëm 8 vjet kur më kanë përzënë për herë të parë nga vendi im. Por ata që për 19 vjet me radhë (1980-1999) më privuan nga e drejta për t’u kthyer në vendin tim, madje as edhe sa për të kthyer eshtrat e babait në tokën e tij, janë ata që nuk kanë më vend në Kosovën e lirë.
E për LDK-në, nuk po flas sonte. Po flasin kaq shumë vet, po vajtojnë, shajnë, mallkojnë e gënjejnë, saqë çdo fjalë nga ime do të ishte e tepërt.
VAZHDO TË LEXOSH MË TEPËR PËR TEMËN
Dënimi i Mustafës, ende asnjë fjalë nga Osmani!
Analiza e DW: Do të ketë pasoja nëse Kosova dhe Serbia nuk ulin tensionet në veri
DW: Kushte të reja për liberalizimin e vizave
