Me 117 vota pro u miratua sot në Kuvend kërkesa e SPAK-u për heqjen e imunitetit të Arben Ahmetajt. Vetëm 3 deputetë abstenuan për kërkesën e SPAK-ut.
Hapat që do të ndjekë SPAK-u
Pas votimit të sotëm, Kuvendi duhet t’i kthejë përgjigje kërkesës së SPAK-ut se i ka hapur rrugën arrestimit të Arben Ahmetajt.
Më pas SPAK-u do t’i drejtohet Gjykatës së Posaçme për të kërkuar firmosjen e urdhër-arrestit për Arben Ahmetaj.
Do të jetë gjyqtari i paraprak që do të vendosë nëse do të pranojë masën e sigurisë “arrest me burg” apo do të caktojë një tjetër masë sigurie për ish-zv/kryeministrin Ahmetaj. Gjithashtu nëse do të lejojë apo jo kontrollin e banesës së ish-zv/kryeministrit.
Nëse gjykata jep OK, menjëherë SPAK-u i kërkon policisë së shtetit të ekzekutojë vendimin. Policia nis kërkimet brenda vendit për Ahmetajn për një afat 3-javor. Nëse nuk e gjen brenda vendit atëherë Ahmetaj shpallet në kërkim ndërkombëtar.
Arben Ahmetaj akuzohet për “shpërdorim detyre”, “fshehje pasurie” dhe “korrupsion pasiv” për aferën e inceneratorëve.
VAZHDO TË LEXOSH MË TEPËR PËR TEMËN
‘SPAK paraqiti kërkesën për arrestimin e Ahmetajt’/ Nikolla: Do mblidhemi sërish të hënën,
Ahmetaj largohet nga Shqipëria, mblidhet sërish sot Këshilli i Mandateve
