Kryeministri kosovar, Albin Kurti ka ekspozuar dronët “Bayraktar TB-2” të blerë nga Turqia.
Ai ka njoftuar se dronët “Bayraktar” i janë shtuar arsenalit të Forcave të Ushtrisë së Kosovës, të cilët tashmë janë trajnuar për përdorimin e tyre. Në dy vjet nën qeverisjen e Kurtit, Kosova ka shtuar mbi 80% numrin e ushtarëve dhe mbi 100% buxhetin për ushtrinë, sipas kryeministrit.
Kreu i qeverisë kosovare dhe gjenerali Bashkim Jashari bashkë me Ministrin e Mbrojtjes Armend Mehaj kanë përgëzuar oficerët pr trajnmit në navigimin e dronëve të teknologjisë së fundit.
“Arsenalit të ushtrisë sonë i kemi shtuar edhe dronë Bayraktar TB-2 të cilët i kemi blerë si Qeveri nga Turqia! Në dy vjet qeverisje e kemi shtuar për mbi 80% numrin e ushtarëve dhe mbi 100% buxhetin për ushtrinë. Kosova tash është edhe më e sigurt përveçse gjithnjë krenare! Me Komandantin e FSK-së gjenerallejtnant Bashkim Jashari dhe Ministrin e Mbrojtjes Armend Mehaj përgëzuam oficerët që e kanë kryer trajnimin për përdorimin e dronëve”, shkroi Kurti.
© Credits facebook.com/albini2017
VAZHDO TË LEXOSH MË TEPËR PËR TEMËN
‘Bashkëpunimi Kosovë-Shqipëri nuk po ndodh’
‘Albini e ka obligim ta sqarojë ç’ka ndodhur me Astrit Deharin’
