Ministri i Mbrojtjes, Niko Peleshi, është shprehur se në vendin tona janë evidentuar 5 vatra zjarri aktive gjatë ditës së sotme.
Përmes një reagimi në Facebook, Peleshi është shprehur se për shuarjen e flakëve janë angazhuar 144 efektivë të Forcave të Armatosura,13 mjete, 3 zjarrfikëse dhe helikopteri Cougar.
Ndërkohë ai ka treguar edhe emrat e zonave më problematike për momentin dhe ka thënë se po punohet intensivisht për shuarjen e flakëve.
Reagimi i Peleshit:
5 vatra aktive zjarri janë evidentuar gjatë ditës së sotme në territorin e vendit.
Për shuarjen e tyre janë angazhuar 144 efektivë të Forcave të Armatosura,13 mjete, 3 zjarrfikëse dhe helikopteri Cougar.
Po punohet me intensitet për mbajtjen nën kontroll të vatrave të zjarrit në fshatrat Peshtan Plyk, Kraps,Kreshpan, njësia administrative Frakull. Ndërsa u kërkua ndërhyrja e helikopterit në pyllin me pisha në fshatin Gjorgoz, pasi ndërhyrja me mjete dhe forca nga terreni është e pamundur. Po punohet ndërkaq edhe në një vatër zjarri në fshatin Hekal, bashkia Mallakastër.
Po vijon gjithashtu operacioni për kapsulimin e vatrave në vendgrumbullimin e mbetjeve urbane, në bashkinë Vlorë.
Në fshatin Buz, në bashkinë Memaliaj po vijon puna nga terreni për izolimin e vatrës së zjarrit.
Është bërë e munduar shuarja e vatrës së zjarrit në fshatin Skrevan, bashkia Dimal, ku aktualisht ka vetëm prezencë tymi.
Situata është nën kontroll dhe zjarri po shkon drejt izolimit të plotë në malin e Gjallicës, njësia administrative Shtiqën, bashkia Kukës.
VAZHDO TË LEXOSH MË TEPËR PËR TEMËN
