SPAK i ka dorëzuar Policisë urdhër-arrestin për ish-ministrin Arben Ahmetajn.
Sipas burimeve të Panorama TV, Gjykata e Posaçme ka firmosur më herët urdhër-arrestin për ish-zv.kryeministrin, Arben Ahmetaj. Ndaj tij është caktuar masa e sigurisë “arrest në burg” në mungesë.
Urdhri më pas i është dorëzuar nga SPAK për ekzekutim Policisë së Shtetit.
Mësohet se SPAK i ka kërkuar Policisë informacione rreth vendndodhjes së Ahmetajt. Ai pritet të shpallet së shpejti në kërkim ndërkombëtar.
Kujtojmë se Ahmetaj akuzohet pë “shpërdorim detyre” dhe se ka përfituar fonde nga biznesmenët e inceneratorëve, Klodian Zoto dhe Mirel Mërtiri, ku si këmbim i ka favorizuar ata në biznesin e tyre.
Kujtojmë se prej ditësh Ahmetaj nuk ndodhet në Shqipëri dhe nuk ka të dhëna të sakta për vendndodhjen e tij, pavarësisht se avokatët e ish-ministrit thonë se ai ndodhet të familjarët e tij në Angli.
VAZHDO TË LEXOSH MË TEPËR PËR TEMËN
