Tre makina janë djegur gjatë orëve të para të mëngjesit të sotëm në lagjen “Pavarësia” në qytetin e Vlorës. Mësohet se dy prej tyre janë djegur pjesërisht, ndërsa e treta plotësisht..
Zjarri rrezikonte që të përhapej edhe tek shumë të tjera të parkuara njëra pas tjetrës, por forcat zjarrfikëse ndërhynë dhe bënë të mundur neutralizimin e flakëve.
Ende nuk dihen rrethanat dhe shkaqet e rënies së zjarrit tek mjetet e parkuara, ndërsa dyshohet zjarrvënie e qëllimshme.
“Mëngjesin e sotëm, në lagjen “Pavarësia”, Vlorë, janë përfshirë nga flakët 3 automjete të parkuara afër njëra-tjetrës, 2 prej tyre tip “Ford” të cilat janë djegur pjesërisht dhe njëri tip “Volkswagen” që është djegur plotësisht.
Paraprakisht dyshohet se zjarri është vënë qëllimisht. Grupi hetimor po punon për zbardhjen e shkakut të vënies së zjarrit, identifikimin dhe kapjen e autorit.”, njofton Policia.
VAZHDO TË LEXOSH MË TEPËR PËR TEMËN
Artan Hoxha: Do ketë viktima nëse nuk kapen autorët e…
