Analisti Ben Andoni thotë se Serbia ka filluar të marrë mesazhe pozitive nga Shtetet e Bashkuara të Amerikës.
Ai përmendi ndër këto “mesazhe pozitive” faktin që Serbia pati një stërvitje ekskluzive me ushtarët e SHBA-së e përveç kësaj deklaratat e zyrtarëve serb janë gjithnjë e më të ashpra, por ndaj tyre nuk duket të ketë vërejtje.
Sipas Andonit, SHBA-ja ka si synim ta përdor Serbinë që kjo e fundit të kontribuojë në të ardhmen e marrëdhënies me Rusinë, por këto “mesazhe pozitive” për Serbinë, për fat të keq janë në dëm të Shqipërisë.
“Serbia ka filluar të marrë mesazhe gjithnjë e më shumë pozitive nga Shtetet e Bashkuara të Amerikës, ky është një lajm aspak i mirë për ne. Deklaratat e zotit Hill dhe zotit Escobar, nuk mund të konsiderohen më si personale. Deklaratat e vazhdueshme të zotit Hill tregojnë se këto nuk mund të jenë më personale, sidomos për një njohës të tillë të rajonit. Serbia ka marrë pjesë në stërvitje ekskluzive me SHBA-në.
Të gjitha këto mesazhe zoti Vuçi po i lexon jashtëzakonisht mirë. Nëse Serbia po lejohet që të flasë në një mënyrë të tillë nga mënyra institucionakle thjesht që të jetë shteti i cili do të kontribuojë për të ardhmen e marrëdhënies me Rusinë që për mendimin tim kanë filluar të konfigurohen”,-tha Ben Andoni.
