Kryeministrja Giorgia Meloni ka bërë të ditur se faturën e katër italianëve, të cilët ikën pa paguar nga restoranti në Berat, e ka paguar ajo personalisht.
Në një postim në rrjetet sociale Meloni ka sqaruar se faturën e ka paguar vetë dhe jo nga buxheti i shtetit, ashtu siç u aludua nga opozita në disa medie italiane, ndërsa shton se ndihet e keqardhur për gjestin e turpshëm të bashkëkombasve të saj.
“Gjatë kohës që isha në Shqipëri kryeministri Rama më tregon historinë e 4 italianëve që u arratisën në një restorant lokal pa paguar faturën. Restoranti, pasi fotografitë e arratisjes u bënë virale, tha se ishte ende i lumtur sepse bashkatdhetarët tanë kishin ngrënë mirë dhe ishin të lumtur.
Më vjen turp, sepse Italia që dua të përfaqësoj nuk është një Komb që e bën veten të flasë jashtë shtetit për këto gjëra, që nuk respekton punën e të tjerëve, që mendon se është argëtuese duke mashtruar të tjerët. Kështu që vendosa t’i kërkoj ambasadorit të shkojë dhe të shlyejë faturën, të cilën e kam paguar personalisht. Asgjë e madhe, në fakt unë as nuk kam raportuar për të.
Megjithatë kjo në Itali ka krijuar edhe polemika, nga një opozitë që dukshëm preferon një imazh tjetër të Italisë. Më vjen keq sepse shpresoja se të paktën të gjithë mund të pajtoheshin për diçka kaq banale.”-ka shkruar Meloni.
