Në një intervistë për “Bloombergun” në Slloveni Kryeministri i Kosovës, Albin Kurti, është shprehur se Kosova dhe Serbia duhet të normalizojnë raportet, para se aleatët të nisin të merren me zgjedhjet në SHBA dhe BE.
Kreu i qeverisë së Kosovës theksoi se “ekziston një ndjenjë urgjence për ta implementuar marrëveshjen dhe që të normalizohen raportet në mes të Kosovës dhe Serbisë, me njohjen reciproke në qendër, më së voni deri në pranverën e vitit të ardhshëm”.
Kurti tha se përveç urgjencës për zbatim të marrëveshjes së normalizimit, se është i gatshëm edhe për organizimin e zgjedhjeve të reja komunale në Veri, sipas marrëveshjes së arritur me Lajçak.
Kujtojmë që zgjedhjet në Bashkimin Evropian do të mbahen në qershor, ndërsa ato në SHBA në nëntor.
VAZHDO TË LEXOSH MË TEPËR PËR TEMËN
“Shërbimi ushtarak i obligueshëm ka kosto të lartë”
‘Wagner’ në Veri, Petkoviç: Pse Kurti s’i tregon provat?
