27.08.2023 - 13:12
Leo Mesi ka debutuar edhe në MLS me gol. Ylli argjentinas ka arritur të lërë gjurmë në ndeshjen e parë që ka zhvilluar në kampionat, aty ku Inter Majemi ka fituar me rezultatin 0-2 ndaj Nju Jork Red Bull.
Argjentinasi që kishte shënuar më parë 10 gola në 7 ndeshje në Kupën e Ligës, tashmë ka arritur të shënojë edhe në MLS, aty ku ka rikthyer ekipin te fitorja pas shumë humbjeve në kampionat. Mesi u aktivizua në minutën e 60, duke shënuar vetëm 1 minutë para fundit të kohës së rregullt.
Për Mesin, kjo ishte ndeshja e 9 zyrtare me fanellën e Inter Majemit dhe skuadra e tij numëron fitoren e 9 radhazi, ndërkohë që vetë argjentinasi ka qenë autori i 11 golave, mes Kupës dhe kampionatit.
