Junta ushtarake që kreu një grusht shteti në Niger duket se po i jep një goditje të fortë Francës, ndonëse jo indirekt.
Ajo njoftoi se kishte formuar qeverinë e saj të enjten mbrëma, kur anëtarët e vendeve të Afrikës Perëndimore po përpiqen ta kthejnë presidentin e zgjedhur në pushtet në një takim urgjent përmes diplomacisë, por ata nuk përjashtojnë përdorimin e forcës.
Regjimi ushtarak që përmbysi presidentin Mohamed Bazoum më 26 korrik formoi një qeveri me urdhër të gjeneralit Abdurahman Tiani, njoftoi televizioni. Duke emëruar një qeveri prej 20 ministrash që do të udhëhiqet nga kryeministri Ali Mahaman Lamine Zeine, regjimi ushtarak duket se po u dërgon një mesazh udhëheqësve të Komunitetit Ekonomik të Shteteve të Afrikës Perëndimore (ECOWAS), të cilët po diskutojnë se çfarë të bëjnë për situatën në Niger të enjten në Abuja.
Regjimi ushtarak në Niamey e konsideron ECOWAS si një organizatë që vepron nën diktatin e Francës, një ish-fuqi koloniale ndaj të cilës ushtria ka qenë veçanërisht kritike që nga kryerja e grushtit të shtetit, shkruan AFP. Të mërkurën, regjimi ushtarak akuzoi Francën për shkeljen e hapësirës ajrore të Nigerit dhe “çlirimin e terroristëve”.
Parisi hodhi poshtë akuza të tilla.
Çdo përshkallëzim kërcënon të destabilizojë më tej rajonin e Sahelit, një nga më të varfërit në botë, i cili ka qenë i ekspozuar ndaj një kryengritjeje të gjatë nga grupet islamike që kanë zhvendosur miliona banorë dhe kanë kërcënuar rajonin me “zi buke”.
Grushti i shtetit u krye për shkak të konflikteve të brendshme, por ai i kaloi kufijtë dhe në zgjidhjen e tij, përveç ECOWAS-it u përfshinë edhe vende perëndimore dhe OKB-ja.
VAZHDO TË LEXOSH MË TEPËR PËR TEMËN
“Deutsche Welle”: Çfarë ofrojnë Kombet e BRICS?
