MENU
klinika

Zonat ku pritet të hapen miniera

Ar në nëntokën e Prishtinës!

06.09.2023 - 12:57

Një kompani kanadeze ka nisur tashmë punën për realizimin e projektit për të nxjerrë ar nga nëntoka e fshatit Slivovë, në kryeqytetin e Kosovës, Prishtinë.

Kompania nga Kanadaja, Ariana Resources ka njoftuar se filiali i saj Western Tethyan Resources (WTR) ka përfunduar vlerësim paraprak ekonomik për projektin e arit.

Projekti kap vlerën prej 27 milionë dollarë amerikanë, teksa kompania Ariana Resources parashikon të prodhojë deri në 13 mijë ons ari në vit gjatë një linje miniere shtatëvjeçare.

Kerim Sener, menaxher i kompanisë kanadeze Ariana-s tha se ky është një rezultat i shkëlqyer për projektin e arit në Slivovë.

“Potenciali më i gjerë i eksplorimit të zonës së projektit Slivova, në veçanti mundësia për të përcaktuar rënien e mëtejshme të mineralizimit të trupit xeheror ekzistues, premton rritje të mëtejshme ekonomike. Tani kërkojmë të përfundojmë punën e mëtejshme për ta demonstruar këtë nëpërmjet një programi eksplorimi me faza”, tha ai

ËTR shtoi se kjo punë do të përfshijë një program gërmimi për të përmirësuar eksplorimin në zonat në kufi me zonën e burimeve parësore, duke synuar fshatin Xhemajli në komunën e Lipjanit.

Gjatë pjesës tjetër të vitit 2023, kompania synon të fillojë studimin bazë mjedisor, vlerësimin e ndikimit social dhe të përfundojë planifikimin për një program shpimi.

VAZHDO TË LEXOSH MË TEPËR PËR TEMËN


Regjisorja kalabreze kujton gjyshen...

”Arbëria” vjen në gjuhën origjinale