Sekretari i Përgjithshëm i PD-së Gazment Bardhi në një intervistë për Euronews Albania, theksoi se nuk ka pasur asnjë komunikim nga ndërkombëtarët në lidhje me takimin që u zhvilluar pak ditë më parë mes dy palëve të PD.
Ai theksoi se qëndrimi i ndërkombëtarëve është që opozita të jetë e fortë dhe funksionale duke shtuar se asnjë nga partnerët nuk ka qëllim që dobësoj opozitën.
“Vazhdoj të kem komunikime me ndërkombëtarët, nuk kam marrë asnjë koment dhe asnjë shqetësim për atë që ka ndodhur. Ajo që unë di, dhe që është qëndrim i tyre është se opozita duhet të jetë e fortë dhe funksionale. Opozitë e fortë do të thotë një opozitë që përmbush rolin e vet, në një demokraci. Nuk ka qenë qëllimi i asnjë prej partnerëve, as të shkrijë PD dhe as të dobësoj opozitën. Në çdo vendimarrje të tyre nuk ka qenë ky qëllimi. Në takimin që bëri Basha më 2 shtator kam marrë ftesë”- tha ai.
VAZHDO TË LEXOSH MË TEPËR PËR TEMËN
