Kundërofensiva e ngadaltë e verës “kilometër pas kilometër” e Ukrainës, e cila ka hyrë në muajin e saj të katërt, ka filluar të sjellë gjithnjë e më shumë rezultate pas depërtimit të vijës së parë të mbrojtjes ruse në frontin jugor në Zaporozhzhia.
Ndërsa zyrtarët amerikanë, “të impresionuar” nga përparimi i Kievit, deklarojnë se Ukraina ka rimarrë gjysmën e territorit të pushtuar, besohet se Rusia po ridislokon trupat e saj për të zëvendësuar njësitë e degraduara në jug, dhe sipas inteligjencës ukrainase, ajo ka vendosur gjithashtu 46 Sistemet raketore “Iskander” përgjatë kufirit me Ukrainën.
“Ne jemi të impresionuar nga përparimi, veçanërisht në jug ”, tha Zëvendës Sekretarja e Shtetit në SHBA, Victoria Nuland.
Zyrtarët britanikë të inteligjencës thanë se Rusia kishte shumë gjasa të zhvendoste trupat nga pjesë të frontit për të zëvendësuar njësitë në Ukrainën jugore rreth fshatit Robotyn, të cilin Kievi e rimori më 28 gusht.
Masa të tilla ka të ngjarë të kufizojnë aftësinë e Rusisë për të kryer operacione sulmuese përgjatë zonave të tjera të vijës së frontit, sipas “Newsweek”.
Ndërkohë, agjencia e inteligjencës ushtarake e Ukrainës GUR tha se Rusia ka vendosur 46 nga sistemet e saj raketore Iskander përgjatë kufirit me Ukrainën.
Të hënën, agjencia shtetërore ruse “RIA Novosti” publikoi një video të lëshimit të një rakete lundrimi nga sistemi i fuqishëm “Iskander” i Qarkut Ushtarak Perëndimor në postin komandues të forcave ukrainase.
Forcat ruse i kanë përdorur shpesh raketat e fuqishme “Iskander” në sulmet ndaj objektivave ukrainase dhe është një armë taktike e aftë për të lëshuar koka bërthamore.
VAZHDO TË LEXOSH MË TEPËR PËR TEMËN
Aneksimi i 4 rajoneve/ Kjo do të jetë një luftë e gjatë…
