Cristiano Ronaldo u largua dhe nga skena e futbollistëve më të mirë të botës në mënyrë simbolike, pasi emri i tij nuk ishte në mesin e të nominuarve për çmimin prestigjioz “Topi i Artë”. Shënimi i golave në Arabinë Saudite nuk mjafton për nominime të tilla, ndërsa rivali i tij i madh Lionel Messi është në rrethin më të ngushtë të favoritëve për të fituar, kryesisht për shkak të fitores në Kupën e Botës.
Pas përzgjedhjes, Ronaldo foli për rivalitetin me Messin, i cili shënoi epokën moderne të futbollit.
“Tifozët e Cristiano Ronaldos nuk kanë nevojë të urrejnë Lionel Messin dhe anasjelltas. Ne ishim të dy të suksesshëm, së bashku ndryshuam historinë e futbollit. Jemi të respektuar në të gjithë botën dhe kjo është gjëja më e rëndësishme”, tha CR7 fillimisht.
Më pas Ronaldo tha se me Messin nuk kanë konsumuar kurrë një darkë së bashku, teksa nuk pretendojnë të jenë miq, ndërsa kanë respekt profesional për njëri-tjetrin.
“Leo ndoqi rrugën e tij dhe unë ndoqa rrugën time. Për aq sa kam qenë në gjendje të ndjek, ai është mirë në SHBA dhe unë jam mirë jashtë Evropës. Trashëgimia do të jetojë, por nuk mund ta imagjinoj një rivalitet më i madh se i yni. Ne kemi ndarë skenat më të mëdha për 15 vite të gjata. Nuk po them se jemi miq, sepse nuk kemi shkuar kurrë, për shembull, për darkë bashkë. Por ne jemi kolegë profesionistë që respektojmë njëri-tjetrin”, tha Ronaldo.
