Presidenti i Serbisë Aleksandër Vuçiç ka reaguar për herë të parë pasi ish-nënkryetari i Listës Serbe, Millan Radoiçiç, ka pranuar autorsinë e sulmeve terroriste në veri të Kosovës.
Sipas mediave të huaja, përmes një deklarate, Vuçiç tha se “e ka parë versionin e shkurtuar” të deklaratës së Milan Radoiçiçit dhe ka përsëritur se ai do të duhet t’i përgjigjet ftesës së autoriteteve shtetërore.
“Unë thjesht do të lexoj letrën. Jam i sigurt që autoritetet duhet të bëjnë pyetje, nëse prokurori do ta ndjekë penalisht, kjo nuk është një pyetje për mua.
Çdo gjë shkon sipas procedurës. Nëse dikush mendonte se ai do të ikte apo do të fshihej, kjo nuk ndodhi. Ai është krenar për atë që ka bërë. Nuk mendoj se dikush ka të drejtë të vrasë dikë, do të duhet të bëhen disa pyetje, ndoshta ai nuk ka marrë pjesë në atë akt, kjo është një pyetje e prokurorisë. Unë di që policia duhet të mbledhë informacione, pastaj vjen prokurori dhe merr vendim”, ka thënë Vuçiç, përcjell N1.
Kujtojmë se Radoiçiç ka marrë përgjegjësinë e plotë për ngjarjet në fshatin Banjskë në veri të Kosovës, thuhet në deklaratën e lexuar për media nga avokati i tij, Goran Petronijeviç.
VAZHDO TË LEXOSH MË TEPËR PËR TEMËN
“KFOR-i mbështet institucionet, nuk merr përsipër sigurinë në vend”
Gazetarja Lala zbardh detaje nga sulmi në Veri: Grupi është i armatosur me pajisje të sofistikuara!
“Koha do t’a tregojë se kush do t’a paguajë në fund”
