Ministri i Brendshëm Taulant Balla, ka mbledhur këtë të shtunë krerët e Policisë së Tiranës për të kërkuar marrjen e masave maksimale për të mos lejuar asnjë huliganizëm. Masa maksimale kërkohen dhe për ndeshjen Shqipëri-Poloni.
“Na duhet një nivel tjetër sigurie në stadiume, jo vetëm në evenimentet sportive ndërkombëtare, por edhe në garat kombëtare. Policia e Shtetit të mos lejojë asnjë shfaqje huliganizmi gjatë ndeshjes Shqipëri-Poloni.
Ndaj kujtdo që shkel rregullat e vendosura nga UEFA, do të dokumentohen shkeljet dhe kërkohen ndërshkime të ashpra. Kontrolle të rrepta për posedim të mjeteve piroteknike/flakadanë dhe ndalim të menjëhershëm të këtyre personave”, është shprehur Balla.
Ministri i Brendshëm ka thënë se duhet të bashkëpunohet ngushtësisht me Federatën Shqiptare të Futbollit për ndeshjet kombëtare dhe jo vetëm.
