Ajax dhe Feyenoord nga Roterdami po përballen sot në “Johan Cruijff Arena” për javën e gjashtë në futbollin elitar të Holandës. Klasikja e futbollit në vendin e tulipanëve nuk ka kaluar pa incidente, teksa është ndërprerë për më shumë se 20 minuta.
Gjithçka ka ndodhur në minutën e 44 të pjesës së parë. Ndërkohë që miqtë ishin në avantazhin 0-3 pas 37 minutave të para, ultrasit e Ajax janë “tërbuar” nga rezultati dhe kanë hedhur flakadanë në fushë.
Një gjë e tillë ka sjellë ndërprerjen e ndeshjes nga kryesori Gozubuyuk, që për më shumë se 20 minuta ka mbajtur skuadrat në dhomat e zhveshjes. Tanimë gjithçka ka filluar dhe ndeshja po vijon normalisht.
Edhe njëherë ultrasit bëhen protagonistë në zemër të Evropës dhe ndërpresin një ndeshje duke hedhur në fushë mjete piroteknike.
