Drejtoresha e ISHP-së në një intervistë televizive deklaroi se që nga mesi i gushtit ka pasur një rritje të rasteve të infeksioneve respiratore.
Tomini tha se vetëm në javën e fundit janë regjistruar 1200-1300 raste pozitive me Covid 19, ndërkohë që raste me grip nuk ka, megjithatë shtoi që gjasat janë që në sezonin 2023-2024 të ketë një bashkëqarkullim të gripit dhe Covid.
Që nga mesi i gushtit, ashtu sikurse dhe ju e theksuat që keni vënë re një rritje të rasteve të infeksioneve respiratore, kjo rritje është evidentuar dhe në varësi të dhënave monitoruese nga ISHP.
Të dhënat vijnë nga 420 Qendra Shëndetësore në nivel kombëtar dhe nga të gjitha qendrat e urgjencës që janë në nivelin spitalor.
Rritja erdhi në mënyrë progresive, pas javës së parë të gushtit dhe në vijim duke u reflektuar dhe në javët e para të shtatorit.
Infeksionet respiratore jo vetëm të influencës, gripi apo virozave të tjera janë të gërshetuara dhe me shenja klinike që ngjajnë me diaretë stinore, po që kanë kompleksitet të shenjave klinike, që shfaqen kryesisht në moshën pediatrike më të dukshme sesa tek moshat adulte.
Vetëm javën e fundit kemi një konfirmim të rasteve me Covid, 1200-1300 raste pozitive.
Kurba epidemike e rasteve të evidentuara luhatet nga java në javë. Pozitiviteti është në nivelin 28.4 % të totalit të rasteve të testuara përkundrejt rasteve të konfirmuara.
Raste me grip nuk janë evidentuar deri më tani.
Infeksionet respiratore kanë shenja klinike të përbashkëta, të rrugës, dhimbjes së kokës, djersitje dhe me këto shenja ne si popullatë nuk mund të bëjmë diferencën nëse kemi grip, apo Covid. Dallimin e bën mjeku që bën diferencë mes shenjave më të agravuara dhe diagnoza laboratorike.
Sipas gjasave do të ketë një bashkëqarkullim të gripit dhe Covid në sezonin 2023-2024.
VAZHDO TË LEXOSH MË TEPËR PËR TEMËN
“Mutacioni s’ka mbërritur në Shqipëri! Deri tani kemi vetëm COVID-19”
A rrezikojmë sërish karantinë? Eugena Tomini: Ja kur mund të ndodhë!
“Mbi 85 mijë qytetarë kanë marrë dozën e tretë anti-Covid”
