Kryetari i Lëvizjes për Zhvillim Kombëtar, Dashamir Shehi, ka reaguar pas marrjes së detyrës si Kryetari i grupit parlamentar të Aleancës për Ndryshim.
Përmes një postimi në ” Facebook”, Shehi thekson se si grup parlamentar kanë përparësi garantimin e zgjedhjeve të lira, nëpërmjet reformës zgjedhore për të cilën kanë ndërmarrë një ininciativë e cila është mbështetur nga pjesa me e madhe e opozitarëve.
Shehi thekson se në çdo qënrim që ata kanë, interesi kombëtar i qytetarëve qëndron mbi çdo interes publik.
“Sot mora detyrën e Kryetarit të grupit parlamentar të Aleancës për Ndryshim, sipas marreveshjes që kishim për drejtimin e grupit dy vjet nga z. Mediu dhe dy vjet nga unë.
Ne si grup, jemi përcaktuar qartë si opozitë me qeverinë dhe përparësi, kemi garantimin e zgjedhjeve të lira dhe të ndershme nëpërmjet reformes zgjedhore për të cilën, kemi ndërmarrë një iniciativë të mbështetur nga pjesa më e madhe e deputetëve të opozitës.
Në çdo qëndrim tonin, interesi kombëtar dhe i qytetarëve qëndron mbi çdo interes politik”, shkruan Shehi.
Në nisje të punimeve të seancës plenare, në Kuvendin e Shqipërisë, nënkryetarja e Kuvendit, Ermonela Felaj, në cilësinë e drejtueses së seancës njoftoi kërkesën e grupit parlamentarë “Aleanca për Ndryshim” për zëvendësimin e Kryetarit të Grupit. Felaj tha se Dashamir Shehi, do të jetë kryetar i kreut të grupit.