Presidenti serb, Aleksandër Vuçiç, nga Nju Jorku ku po merr pjesë në Samitin e OKB-së, ka paralajmëruar përshkallëzim të situatës në veri të Kosovës, pas arrestimit që ju bë 3 serbëve nga policia kosovare.
“Sot janë arrestuar edhe tre serbë me shpjegimin se ka keqtrajtuar dikë në varreza, aq qesharake dhe e frikshme sa nuk kam fjalë”, tha Vuçiç.
Ai deklaroi se Serbia do të bëjë gjithçka për të mbrojtur popullin e saj, eksa akuzoi ministrin Sveçla për këto arrestime, i cili sipas tij tentoi që ti arrestonte dhe djalin disa muaj më parë.
“Sveçlja tashmë u përpoq të poshtëronte djalin tim, por ai nuk ia doli. Është mëkat i tmerrshëm kur dikush dëshiron të shkojë në shenjtëroren e tij ose në liturgji. Kjo është një arsye e vërtetë për të arrestuar dikë dhe flet shumë për natyrën e tyre demokratike dhe për ata që e mbështesin. Në fund do të shohim kush kë do ta arrestojë”, tha Vuçiç.
