Hekurudha shqiptare po shkon në pikën e “vdekjes”. Nga 224 kilometër gjatë 2021-shit, gjatësia e rrjetit hekurudhor në vend u rrudh në rreth 204 kilometër vitin e shkuar. Gati 20 kilometër më pak në vetëm dy vite.
Kjo është reflektuar edhe te numri i udhëtarëve, numri i të cilëve ra në më pak se 11 mijë vitin e shkuar nga mbi 24 mijë gjatë 2021-shit.
“Ka ardhur koha tashmë për restaurimin e rrjetit hekurudhor shqiptar pasi infrastruktura i shërben vendit jo vetëm për çështjet e brendshme, por edhe për integrimin e tij në Bashkimin Europian”, shprehet par A2, kryetari i Dhomës Britanike të Tregtisë, Zenel Hoxha.
“Rizgjimin” i sektorit hekurudhor, në rënie të lirë prej shumë vitesh mund të vijë me anë të Procesit të Berlinit vlerësojnë ekspertët.
“Do të bëjë të mundur ringjalljen e rrjetit hekurudhor shqiptar, por edhe zgjerimin e tij”, tha Hoxha.
Disa nga projektet për rigjallërimin e hekurudhës shqiptare përfshijnë aksin Tiranë-Durrës dhe zgjatimi në Rinas, Vorë-Hani i Hotit Durrës-Prishtinë dhe Milot – Kufiri në Vërmicë – Landovicë.
“Korridori i Mëndafshtë do të merrte një tjetër ecuri. Kina është një konkurrente e madhe në këtë drejtim”, shprehet Hoxha.
Aktualisht rrjeti hekurudhor shqiptar është funksional në akset Durrës – Elbasan, Fier – Vlorë dhe Kufi – Gjorm.
VAZHDO TË LEXOSH MË TEPËR PËR TEMËN
BIRN: Shqiptarët paguajnë çmimet më të larta!
Hekurudha Tiranë-Durrës, “ndryshon” projekti
