Ministri i Brendshëm Taulant Balla duke folur nga foltorja e Kuvendit bëri me dije se deri më tani janë arrestuar rreth 50 persona për zjarrëvënie.
Balla bëri me dije se duke pasur parasysh temperaturat e larta, edhe muaji tetor do të jetë sfidë e madhe.
Ministri tha se shumë shpejt do të prezanhet në kuvend ligji për mbrojtjen nga zjarri, bazuar në mekanizmin europian të Mbrojtjes Civile.
“Fenomenti i zjarrëvënies duhet goditur. Me këtë kohë edhe tetori do të jetë një sfidë e madhe. Ende kemi problematika. Këtë vit kemi rreth 50 persona të arrestuar për zjarrëvënie dhe më shumë se kaq nuk më gëzojnë shifrat më shqetëson, trendi negativ dhe mungesa e ndërgjegjësimit të shoqerisë sonë.
Hidhi një sy te vendi fqinj, ku dëmet në zjarre përllogariten sa gjithë sipërfaqja e Shqipërisë. Një nga zjarret që rrezikoi dhe vendin e shenjtë të Kishës së Laçit tha e ka vënë kryetarja e bashkisë së Kurbinit.
E vërteta është që është një zonë që nga ora 12 e drekës deri 4 pasdite ka një intensitet ere të pakrahasueshem. Ne do të sjellim shumë shpejt në Kuvend ligjin për mbrojten ndaj zjarrit. Vendosëm t’i drejtohemi mekanizmit europian të Mbrojtjes Civile,” tha Balla.