Ish-kryeministri Berisha akuzohet zyrtarisht për veprën penale të korrupsionit pasiv të zyrtarëve të lartë nga Prokuroria e Posaçme.
Kjo akuzë parashikon dënimin nga 4 deri në 12 vjet burg nësë provohet nga Gjykata. Malltezi, bashkëshorti i vajzës së ish-kryeministrit, akuzohet për veprën penale të korrupsionit dhe pastrimit të parave, që parashikon dënime nga 5 deri në 15 vjet.
Akuzat lidhen me dosjen e privatizimit të kompleksit “Partizani”, atje ku u ndërtuan 17 kulla nga Malltezi dhe biznesmeni, Fatmir Bekteshi. Seanca për verifikimin e masës së sigurisë për Malltezin e Bekteshin, do të mbahet ditën e hënë në orën 13 e 30 minuta.
Për shkak se gjykata nuk ka administruar ende procesverbalin e oficerëve të policisë për sekuestron e pasaportës dhe kominikimin e masës detyrim paraqitje ndaj Sali Berishës, ende nuk është caktuar dita dhe ora kur ai do të njihet me vendimin e gjykatës./abcnews.al
VAZHDO TË LEXOSH MË TEPËR PËR TEMËN
Berishës i bllokohet pasaporta dhe merret masa ‘detyrim paraqitje’, reagon Lulzim Basha
“Preket familja e Berishës dhe nuk preken ca oligarkë”
