Me tone të forta, deputeti gjerman, Gunther Krichbaum i CDU/CDU deklaroi se Shqipëria duhet të plotësojë detyrat e saj, si 15 kushtet, për t’u bërë anëtare e BE.
Në një bashkëbisedim me gazetarët, Krichbaum theksoi se nëse në Shqipëri do të rrinë vetëm pensionistët apo klasa politike, fundi nuk do të jetë i lumtur. Mes të tjerash ai tha se rinia e ka humbur shpresën, duke u larguar nga vendi.
“Detyra ime është se ne shoqërojmë si CDU/CSU vendin tuaj drejt integrimit të BE. Kam pritshmëri që të rinjtë e këtij vendi, do t’i këshilloja çdokujt që të mbajë në fokus shqetësimet e vendit. Kjo duket se nuk është e qartë. Brezi i ri, që është privilegji i tyre, është i paduruar. Shumë prej tyre e kanë humbur durimin, dhe janë larguar nga vendi. Nëse në këtë vend mbesim pensionistët apo klasa politike nuk do të ishte fund i lumtur për këtë vend. Problemet e vërteta qëndrojnë në pyetjen që kanë njerëzit. A do të kenë mjaftueshëm të ardhura, këto janë çështje që shqetësojnë njerëzit. Nëse shoh krahasim mes Kosovës dhe Serbisë, këto janë çështje që i kemi trajtuar. Janë çështje që nuk gjejnë shëmbëllimin e duhur te politika.”, sqaroi deputeti gjerman, Gunther Krichbaum i CDU/CDU.
Ai sqaroi dhe fokusin e vizitës së tij në Shqipëri, pasi u pyet nëse kishte ardhur për të mbështetur Lulzim Bashën.
“Për të shmangur keqkuptimet e vizitës time. Jam këtu se Shqipëria duhet të përmbushë 15 kushtet. Nuk ka rëndësi se kush përmendet, Basha apo Berisha. Sa i përket përmbushjes së 15 kushteve, në këtë kontekst, struktura që unë kam të bëj, janë strukturat e integrimit. Fokusi i vizitës time ishte i ndryshëm nga ai dy pyetjeve të fundit. Dëshiroj që të shoh një vend drejt rrugës së BE. Janë 35 kapituj të veçantë, që duhet të plotësohen.”, tha zyrtari gjerman.
