Policia në kërkim të personit që qëlloi me armë, i afërm i Frrokut

Policia e Durrësit ka vënë në pranga për konfliktin e armatosur një ditë më parë në Kepin e Rodonit, Bajram Kaculi, Erjon Reka, Orgito Reka, Ylli Reka, Mark Frroku, Antonio Lazari, Pal Doda, Martin Lazeri.

Bëhet me dije se është shpallur në kërkim shtetasi Besnik Toma, i cili ka qëlluar me armë.

Po ashtu mësohet se Toma është shoferi i Mark Frrokut, megjithatë ky i fundit para hetueseve ka deklaruar se ka edhe lidhje familjare (nip) me të. Sakaq, në gjendje të lirë është proceduar Ndue Sokoli.

Kujtojmë se në konflikt janë përfshirë disa persona që pretendojnë se janë përfaqësues të Kishës Katolike, me banorët e zonës, të fshatit Shetaj, mes tyre edhe ish-deputeti i PS Mark Frroku dhe të afërm të tij.