Këngëtarja Britney Spears ka ndarë së fundmi një përvojë të dhimbshme që e ka mbajtur private për 20 vjet. Në libri autobiografik ‘The Woman in Me’, Spears ka zbuluar një sekret të errët të saj në lidhje me ish-të dashurin e saj, Justin Timberlake, raporton The Guardian.
Ajo ka zbuluar se kishte kryer një abort gjatë lidhjes së saj me Justin Timberlake. Ajo rrëfehet se shtatzënia e saj ishte një ” surprizë “, por jo një ” tragjedi “.
“Për mua, [shtatzënia] nuk ishte një tragjedi. E doja shumë Justinin. Gjithmonë kam pritur që një ditë të kemi një familje së bashku. Kjo do të ishte shumë më herët se sa e kisha parashikuar. Por Justin definitivisht nuk ishte i lumtur për shtatzëninë. Ai tha se ne nuk ishim gati të kishim një fëmijë në jetën tonë, se ishim shumë të rinj … Nuk e di nëse ky ishte vendimi i duhur. Nëse do të ishte lënë vetëm në dorën time, nuk do ta kisha bërë kurrë,”-shkruan Spears.
Çifti u takuan në 1999 dhe i dhanë fund lidhjes në vitin 2002. Sipas disa burimeve Timberlake, 42 vjeç, ishte i shqetësuar për atë që Spears, do të ndante për marrëdhënien e tyre në librin e saj.
VAZHDO TË LEXOSH MË TEPËR PËR TEMËN
Britney Spears akuza të rënda ndaj Justin Timberlake
Justin Timberlake iu kërkon falje ish-të dashurave
