Ndërsa shumë destinacione janë gjerësisht të njohura, disa të tjera, të vendosura në mes të Evropës, ofrojnë atraksione jashtëzakonisht magjepsëse dhe të pazbuluara!
E përditshmja australiane “The Sydney Morning Herald” e ka renditur Shqipërinë mes 12 vendeve mesdhetare më të mahnitshme, që ofrojnë aventura të jashtëzakonshme me çmime të volitshme.
Shqipëria është një shembull i mrekullueshëm. Këtu ndodhen me dhjetëra destinacione të shkëlqyera, ku udhëtarët e zakonshëm mund të përjetojnë frymën e aventurës dhe të zbulojnë vende pothuajse të panjohura!
Shqipëria
Pse duhet të vizitoni Shqipërinë?
Shqipëria është shfaqur si një destinacion në trend, me një stil jetese mesdhetare dhe me një numër në rritje vizitorësh (45 për qind më pak se Greqia apo Kroacia).
Kjo pikë e re e nxehtë e pushimeve ndodhet në vijën bregdetare të Adriatikut, dhe në një brendësi tepër të thyer mund të eksploroni kështjella mesjetare, rrënojat e lashta të stilit grek dhe romak.
“Lonely Planet” e renditi atë në listën e “destinacioneve më të mira për udhëtime në 2023”.
Adhuruesit e historisë dhe peizazheve mund të vizitojnë Alpet Shqiptare, qytetet më të bukura të vjetra si Korça dhe Gjirokastra dhe liqenin e Ohrit.
Kini parasysh që europiano-veriorët kanë filluar të pushtojnë Rivierën Shqiptare rreth Sarandës.
Porto Palermo është gjithashtu një alternativë relaksuese për të shijuar vendpushimet në Mesdhe.
Mos e humbisni Butrintin, një qytet antik në një gadishull të bukur në liqenin e Butrintit, me pamje nga deti Jon.
Monumentet e shpërndara datojnë 2500 vjet më parë dhe përfshijnë një teatër të stilit grek, mozaikë romakë, kështjellën veneciane dhe rrënojat atmosferike të një forumi dhe bazilika.
VAZHDO TË LEXOSH MË TEPËR PËR TEMËN
“The Independent” jehonë rivierës: Pse të zgjidhni Shqipërinë!
