Një shpërthim vdekjeprurës në spitalin e mbushur me njerëz Al-Ahli në qytetin e Gazës ka vrarë qindra njerëz, duke lënë të pikëlluar gjithë botën. Autoritetet palestineze të kontrolluara nga Hamasi në Gaza fajësuan menjëherë Izraelin, duke pretenduar se ishte një sulm ajror i qëllimshëm, por Izraeli ka mohuar përfshirjen. Mes pretendimit dhe mohimit të tyre, arritja tek e vërteta është më e vështirë se kurrë. Është e rëndësishme të theksohet se veç përleshjeve fizike, ky konflikt po luhet si një luftë informacioni.
Kjo nuk është hera e parë që autoritetet në Izrael dhe Gaza japin versione krejtësisht të ndryshme për një shpërthim. Megjithatë, duket se asgjë nuk do të jetë më njësoj, duke marrë parasysh se në lojë tani është futur Irani.
Vizita e Biden
Analisti ushtarak Marinko Ogorec, duke folur për akuzat e ndërsjella në lidhje me bombardimin e spitalit si pjesë e konfliktit aktual izraelito-palestinez, tha se duket si “dora e Hamasit”, por asgjë nuk është e sigurt. Megjithatë, shtoi ai, është indikative se kjo ka ndodhur para ardhjes së presidentit amerikan Joe Biden dhe samitit të madh në Jordani, i cili duhej të jepte përgjigje për shumë pyetje.
Shtetet e Bashkuara po përfshihen gjithnjë e më shumë në luftën izraelito-palestineze dhe ushtarët e saj të vendosur në Lindjen e Mesme janë bërë një objektiv. Mbështetja në rritje e Shteteve të Bashkuara ndaj Tel Avivit, me dërgimin e dy aeroplanmbajtësve në Mesdheun lindor dhe 2 mijë ushtarë në terren, ka nxitur reagimin e grupeve guerile të financuara dhe të mbështetura nga Irani.
Sulmet nga Irani
Të mërkurën më 18 tetor, dy dronë shënjestruan bazën amerikane në al-Harir, në Irakun verior. Disa orë më parë, avionë të tjerë pa pilot u kapën përpara se të godisnin instalimin al-Asad, që ndodhet në rajonin qendror të vendit. Në të dyja rastet nuk ka pasur viktima.Milicia pro-iraniane Tashkil al-Waritheen mori përgjegjësinë për sulmin e dytë, një shenjë se Teherani nuk po mbështetet vetëm tek Hezbollahu për të acaruar tensionet në Lindjen e Mesme.
Për më tepër, përsëri të mërkurën më 18 tetor, formacionet pro-iraniane aktive në Irak njoftuan se kishin formuar një ” dhomë operacionesh të përbashkëta ” për të mbështetur aksionin luftarak të Hamasit kundër Tel Avivit. Dy anëtarë të këtyre organizatave thanë në mënyrë anonime për Associated Press se milicitë janë në gatishmëri të lartë dhe të gatshme për të ndërhyrë drejtpërdrejt në luftë, por Irani ende nuk ka miratuar hapjen e një fronti të ri kundër Izraelit.
Skenari i frikshëm
Eksperti i sigurisë Siniša Tataloviçtha se nga ajo që po ndodh aktualisht përfiton Irani. “Është e qartë se gjithçka që po ndodh, veçanërisht ky sulm, është në duart e tyre sepse dobëson mbështetjen ndërkombëtare për Izraelin, tha Tataloviç. Ai shtoi se Izraeli u sulmua nga një sulm terrorist dhe ka të drejtë legjitime për të mbrojtur veten, por se edhe atje ka kufij të përcaktuar nga e drejta ndërkombëtare humanitare.
Tataloviç tha se të dyja palët do të kujdesen që të mos ketë viktima civile ose të jenë minimale, prandaj mendon se aksioni tokësor i Izraelit i paralajmëruar prej kohësh është i pasigurt. Eksperti i energjisë Davor Stern tha se SHBA dhe Izraeli pretendojnë se nuk ka paqe pa shkatërrimin e Hamasit. Hamasi erdhi në pushtet përmes luftës civile në Gaza, në të cilën u mund Al Fatah, e cila ishte një organizatë relativisht paqësore arabe, e kryesuar nga Yasser Arafat, tha ai.
“Nuk ka qeveri civile në Gaza, Hamasi sundon gjithçka”, tha Stern, duke shtuar se është një organizatë terroriste ndërkombëtare që ndonjëherë merr përgjegjësinë për sulmet në Evropë. Ai tha se “Hamasi është një forcë e keqe që duhet të trajtohet” dhe se sigurisht që ka “elementë” në Palestinë që janë të gatshëm t’i japin fund konflikteve të gjata. Stern tha gjithashtu se “çdo konflikt më i gjerë, në të cilin nafta do të përdoret si armë, si në vitin 1973, do të rrezikojë të gjithë ekonominë botërore”. Ogorec tha se është shumë e zgjuar që të dyja palët të kthehen në tryezën e bisedimeve. “Mendoj se tani gjithçka do të varet shumë nga diplomacia sekrete”, shtoi ai.
VAZHDO TË LEXOSH MË TEPËR PËR TEMËN
“Terrorizmi dhe lufta nuk çojnë në asnjë zgjidhje”
