MENU
klinika

"Paqja në Ballkan varet nga një fije"

Ana Baerbock paralajmëron Serbinë: Do dërgojmë 150 ushtarë shtesë në Kosovë!

28.11.2023 - 22:47

Ministrja e Jashtme e Gjermanisë, Annalena Baerbock ka konfirmuar se në vitin e ardhshëm shteti gjerman do të dërgojë 150 trupa shtesë në kuadër të KFOR-it në Kosovë.

Gjatë fjalës së saj në takimin e ministrave të jashtëm të NATO-s në Bruksel, Baerbock ka theksuar se paqja në Ballkanin Perëndimor “varet nga një fije”.

“Në Ballkanin Perëndimor, paqja shpesh varet nga një fije. Angazhimi i NATO-s dhe BE-së shkojnë dorë për dorë: Misioni i EUFOR-it ofron siguri në Bosnje dhe Hercegovinë si dhe KFOR-i bën të njëjtën gjë në Kosovë. Gjermania do të kontribuojë me ushtarë shtesë për KFOR-in”, tha ajo.

Ndërkohë më herët, sekretari i përgjithshëm i NATO-s, Jens Stoltenberg, ka thënë se aleanca do të bëjë çfarëdo që të jetë e mundur për ta siguruar stabilitetin në Ballkanin Perëndimor.

Stoltenberg ka përmendur lëndimet e ushtarëve të KFOR-it e, po ashtu, edhe sulmin terrorist në Banjskë.

“Atë që po shohim është rritje të tensioneve. Kemi parë incidente shumë serioze të dhunës në Kosovë, përfshirë edhe sulmin ndaj trupave paqeruajtëse të NATO-s – 93 ushtarë të NATO-s u plagosën, disa u plagosën shumë seriozisht. Dhe po ashtu pamë incidentet në Banjskë, ku tre persona u vranë në shtator në Kosovë. Këto janë incidente shumë serioze dhe ne duhet të qëndrojmë të fokusuar në Ballkanin Perëndimor.

NATO do të bëjë çfarë të jetë e nevojshme për ta ruajtur apo siguruar stabilitetin në rajon, pasi është e rëndësishme jo vetëm për Ballkanin Perëndimor, por edhe gjithë Evropën dhe NATO-n. Ne kemi prani atje. Ne punojmë bashkë me Bashkimin Evropian, forcën EUFOR në Bosnjë-Hercegovinë. Dhe kemi prezencë në Kosovë”, ka thënë ai.

"Na do si partner kyç, por..."

Daçiç: SHBA na kushtëzon me Kosovën

“Efekti domino” mund të zhysë në kaos kontinentin

“Ndizet” Ballkani, “vatrat e luftës” rrezikojnë Evropën

Interpol e kërkon për sulmin në Banjskë

VIDEO/ Milan Radoiçiç feston ditëlindjen me fishekzjarrë

"Konflikti po përshkallëzon polarizimin social e politik në rajon!"

Lufta në Lindje të Mesme, studiuesi: Kosova më e rrezikuar