05.11.2023 - 11:46
Një 55-vjeçare e shpallur në kërkim për shfrytëzim prostitucioni është arrestuar nga Policia Kufitare në Kapshticë.
Sipas policisë bëhet fjalë për Fëllëzë Saliaj, 55 vjeçe, banuese në Patos, e cila ka qenë e dënuar me 7 vite burgim.
“Gjykata e Apelit e Vlorës ka lënë në fuqi vendimin e Gjykatës së Fierit për dënimin e kësaj shtetaseje, me 7 vjet burgim, për veprën penale “Shfrytëzimi për prostitucion”, në rrethana rënduese. Në vitin 2005, shtetasja Fëllëzë Saliaj ka shfrytëzuar për prostitucion, një shtetase tjetër”, sqaron policia.
Ndërkohë veprimet e mëtejshme procedurale u kryen nga Drejtoria Vendore e Policisë Fier.
